www.mvd.gov.by

СЛУЖЫМ ЗАКОНУ, НАРОДУ, АЙЧЫНЕ!

220030, г.Мінск
вул. Гарадскі Вал, 4

Адзіны нумар: 102

Шчыра запрашаем Вас у Музей МУС Рэспублікі Беларусь

Экспазіцыя музея Рэспублікі Беларусь размешчана ў 5 залах. У першай зале можна азнаёміцца з дзейнасцю структур па ахове правапарадку на беларускіх землях у часы Вялікага Княства Літоўскага і Рэчы Паспалітай. Далей паказана гісторыя ўтварэння імператарам Аляксандрам I Міністэрства ўнутраных спраў Расійскай імперыі, дзейнасць спецыялізаваных дзяржаўных органаў па ахове грамадскага парадку і барацьбе са злачыннасцю ў XIX стагоддзі. У наступнай зале вы пазнаёміцеся з арганізацыяй і станаўленнем беларускай міліцыі ў 1917–1939 гадах, і ў першую чаргу Мінскай гарадской міліцыі на чале з Міхаілам Васільевічам Фрунзе.

Самыя вялікія раздзелы чацвёртай залы экспазіцыі прысвечаны дзейнасці міліцыі ў перыяд Вялікай Айчыннай вайны, удзелу органаў правапарадку БССР у аднаўленні разбуранай рэспублікі, удзелу супрацоўнікаў беларускай міліцыі ў ліквідацыі наступстваў аварыі на Чарнобыльскай АЭС.

У апошняй зале музея максімальна прадстаўлена дзейнасць падраздзяленняў Міністэрства ўнутраных спраў Рэспублікі Беларусь на сучасным этапе.

Для зручнасці наведвальнікаў у экспазіцыі ўстаноўлены сучасныя мультымедыйныя парталы з дадатковай інфармацыяй па ўсіх раздзелах экспазіцыі.

Акрамя таго, госці музея могуць наведаць выставачны павільён «Міліцэйская рэтратэхніка». Ва ўстаноўленым тут інфакіёску можна атрымаць інфармацыю пра прадстаўленую тэхніку, здзейсніць віртуальную экскурсію па залах музея, а таксама праверыць свае веды па сучасных Правілах дарожнага руху.

Недалёка ад будынка музея МУС, на вуліцы Гарадскі Вал, устаноўлена скульптурная група «Мінскі гарадавы» – удалае месца для памятнага фотаздымка.


Адрас:
220030 г. Мінск, вул. Гарадскі Вал, 7.

Рэжым працы:
• Музей працуе з 10.00 да 18.00.
• Абед з 13.00 да 14.00.
• Выхадныя дні - субота, нядзеля, дні дзяржаўных святаў.
• Перадсвяточныя дні - з 10.00 да 17.00.

Наведаць музей можна:
Арганізаванай групай ад 10 да 20 чалавек у суправаджэнні экскурсавода.
Папярэдні запіс па тэлефоне + 375 17 218 55 38.
Індывідуальна – кожную цотную гадзіну па графіку работы музея.

Кошт уваходнага білета і экскурсійнага абслугоўвання: бясплатна